Katha Chaupais

jaba jaba hoi dharama kai hānī | bāRhahi̐ asura adhama abhimānī ||
taba taba prabhu dhari bibidha sarīrā | harahi̐ kṛpānidhi sajjana pīrā ||
Balkand - Doha 121
—————
जब जब होइ धरम कै हानी । बाढ़हिं असुर अधम अभिमानी ॥
तब तब प्रभु धरि बिबिध सरीरा । हरहिं कृपानिधि सज्जन पीरा ॥
बालकाण्ड - दोहा १२१
rāma rāja baiṭhe̐ trailokā | haraṣita bhae gae saba sokā ||
bayaru na kara kāhū sana koī | rāma pratāpa biṣamatā khoī ||
Uttarkand - Doha 20
—————
राम राज बैठे त्रैलोका । हरषित भए गए सब सोका ॥
बयरु न कर काहू सन कोई । राम प्रताप बिषमता खोई ॥
उत्तरकाण्ड - दोहा २०
rāma rāja baiṭhe̐ trailokā | haraṣita bhae gae saba sokā ||
bayaru na kara kāhū sana koī | rāma pratāpa biṣamatā khoī ||
Uttarkand - Doha 20
—————
राम राज बैठें त्रैलोका । हरषित भए गए सब सोका ॥
बयरु न कर काहू सन कोई । राम प्रताप बिषमता खोई ॥
उत्तरकाण्ड - दोहा २०
nija mati sarisa nātha nai̐ gāī | prabhu pratāpa mahimā khagarāī ||
kaheu̐ na kachu kari juguti biseṣī | yaha saba mai̐ nija nayananhi dekhi ||
Uttarkand - Doha 91
—————
निज मति सरिस नाथ मैं गाई । प्रभु प्रताप महिमा खगराई ॥
कहेउँ न कछु करि जुगति बिसेषी । यह सब मैं निज नयनन्हि देखी ॥
उत्तरकाण्ड - दोहा ९१
sunu prabhu bahuta avagyā kie̐ | upaja krodha gyāninha ke hie̐ ||
ati saṁgharaṣana jau̐ kara koī | anala pragaṭa caṁdana te hoī ||
Uttarkand - Doha 111
—————
सुनु प्रभु बहुत अवग्या किएँ । उपज क्रोध ग्यानिन्ह के हिएँ ॥
अति संघरषन जौं कर कोई । अनल प्रगट चंदन ते होई ॥
उत्तरकाण्ड - दोहा १११
svāda toṣa sama sugati sudhā ke | kamaṭha seṣa sama dhara basudhā ke ||
jana mana maṁju kaṁja madhukara se | jīha jasomati hari haladhara se ||
Balkand - Doha 20
—————
स्वाद तोष सम सुगति सुधा के । कमठ सेष सम धर बसुधा के ॥
जन मन मंजु कंज मधुकर से । जीह जसोमति हरि जलधर से ॥
बालकाण्ड - दोहा २०
sunu khagapati yaha kathā pāvanī | tribidha tāpa bhava bhaya dāvanī ||
je sakāma nara sunahi̐ je gāvahi̐ | sukha saṁpati nānā bidhi pāvahi̐ ||
Uttarkand - Doha 15
—————
सुनु खगपति यह कथा पावनी । त्रिबिध ताप भव भय दावनी ॥
जे सकाम नर सुनहिं जे गावहिं । सुख संपति नाना बिधि पावहिं ॥
उत्तरकाण्ड - दोहा १५
asura sena sama naraka nikaṁdini | sādhu bibudha kula hita girinaṁdini ||
saṁta samāja payodhi ramā sī | bisva bhāra bhara acala chamā sī ||
Balkand - Doha 31
—————
असुर सेन सम नरक निकंदिनि । साधु बिबुध कुल हित गिरिनंदिनि ॥
संत समाज पयोधि रमा सी । बिस्व भार भर अचल छमा सी ॥
बालकाण्ड - दोहा ३१
kalijuga keval hari guna gāhā | gāvata nara pāvahi̐ bhava thāhā ||
kalijuga joga na jagya na gyānā | eka adhāra rāma guna gānā ||
Uttarkand - Doha 103
—————
कलिजुग केवल हरि गुन गाहा । गावत नर पावहिं भव थाहा ॥
कलिजुग जोग न जग्य न ग्याना । एक अधार राम गुन गाना ॥
उत्तरकाण्ड - दोहा १०३
so umesa mohi para anukūlā | karihi̐ kathā muda maṁgala mūlā ||
sumiri sivā siva pāi pasāū | baranau̐ rāmacarita cita cāū ||
Balkand - Doha 15
—————
सो उमेस मोहि पर अनुकूला । करिहिं कथा मुद मंगल मूला ॥
सुमिरि सिवा सिव पाइ पसाऊ । बरनउँ रामचरित चित चाऊ ॥
बालकाण्ड - दोहा १५
kīnhi prasana jehi bhā̐ti bhavānī | jehi bidhi saṁkara kahā bakhānī ||
so saba hetu kahaba mai̐ gāī | kathāprabaṁdha bicitra banāī ||
Balkand - Doha 33
—————
कीन्हि प्रस्न जेहि भाँति भवानी । जेहि बिधि संकर कहा बखानी ॥
सो सब हेतु कहब मैं गाई । कथा प्रबंध बिचित्र बनाई ॥
बालकाण्ड - दोहा ३३
ehi maha̐ rucira sapta sopānā | raghupati bhagati kera paṁthānā ||
ati hari kṛpā jāhi para hoī | pāu̐ dei ehi̐ māraga soī ||
Uttarkand - Doha 129
—————
एहि महँ रुचिर सप्त सोपाना । रघुति भगति केर पंथाना ॥
अति हरि कृपा जाहि पर होई । पाउँ देइ एहिं मारग सोई ॥
उत्तरकाण्ड - दोहा १२९
rāma nāma guna carita suhāe | janama karama aganita śruti gāe ||
jathā anaṁta rāma bhagavānā | tathā kathā kīrati guna nānā ||
Balkand - Doha 114
—————
राम नाम गुन चरित सुहाए । जनम करम अगनित श्रुति गाए ॥
जथा अनंत राम भगवाना । तथा कथा कीरति गुन नाना ॥
बालकाण्ड - दोहा ११४
rāma kathā ke tei adhikārī | jinha ke̐ satasaṁgati ati pyārī ||
gura pada prīti nīti rata jeī | dvija sevaka adhikārī teī ||
Uttarkand - Doha 128
—————
रामकथा के तेइ अधिकारी । जिन्ह के सत संगति अति प्यारी ॥
गुरु पद प्रीति नीति रत जेई । द्विज सेवक अधिकारी तेई ॥
उत्तरकाण्ड - दोहा १२८
rāma carita je sunata aghāhī̐ | rasa biseṣa jānā tinha nāhī̐ ||
jīvanamukta mahāmuni jeū | hari guna sunahi̐ nitaṁtara teū ||
Uttarkand - Doha 53
—————
राम चरित जे सुनत अघाहीं । रस बिसेष जाना तिन्ह नाहीं ॥
जीवनमुक्त महामुनि जेऊ । हरि गुन सुनहिं निरंतर तेऊ ॥
उत्तरकाण्ड - दोहा ५३
jama gana muha̐ masi jaga jamunā sī | jīvana mukuti hetu janu kāsī ||
rāmahi priya pāvani tulasī sī | tulasidāsa hita hiya̐ hulasī sī ||
Balkand - Doha 31
—————
जम गन मुहँ मसि जग जमुना सी । जीवन मुकुति हेतु जनु कासी ॥
रामहि प्रिय पावनि तुलसी सी । तुलसिदास हित हियँ हुलसी सी ॥
बालकाण्ड - दोहा ३१
hari anaṁta harikathā anaṁtā | kahahi̐ sunahi̐ bahubidhi saba saṁtā ||
rāmachaṁdra ke carita suhāe | kalapa koṭi lagi jāhi̐ na gāe ||

Balkand - Doha 140
—————
हरि अनंत हरि कथा अनंता । कहहिं सुनहिं बहुबिधि सब संता ॥
रामचंद्र के चरित सुहाए । कलप कोटि लगि जाहिं न गाए ॥
बालकाण्ड - दोहा १४०
sivapriya mekala saila sutā sī | sakala siddhi sukha saṁpati rāsī ||
sadaguna suragana aṁba aditi sī | raghubara bhagati prema paramiti sī ||
Balkand - Doha 31
—————
सिवप्रिय मेकल सैल सुता सी । सकल सिद्धि सुख संपति रासी ॥
सदगुन सुरगन अंब अदिति सी । रघुबर भगति प्रेम परमिति सी ॥
बालकाण्ड - दोहा ३१
rāmkathā suṁdara kara tārī | saṁsaya bihga uRāvanihārī ||
rāmkathā kali biṭapa kuṭhārī | sādara sunu girirājakumārī ||
Balkand - Doha 114
—————
रामकथा सुंदर कर तारी । संसय बिहग उड़ावनिहारी ॥
रामकथा कलि बिटप कुठारी । सादर सुनु गिरिराजकुमारी ॥
बालकाण्ड - दोहा ११४
sakala sukṛta phala bhūri bhoga se | jaga hita nirupadhi sādhu loga se ||
sevaka mana mānasa marāla se | pāvana gaṁga taraṁga māla se ||
Balkand - Doha 32
—————
सकल सुकृत फल भूरि भोग से । जगहित निरुपधि साधु लोग से ॥
सेवक मन मानस मराल से । पावन गंग तरंग माल से ॥
बालकाण्ड - दोहा ३२
sadagura gyāna birāga joga ke | bibudha baida bhava bhīma roga ke ||
janani janaka siya rāma prema ke | bīja sakala brata dharama nema ke ||
Balkand - Doha 32
—————
सद्गुर ग्यान बिराग जोग के । बिबुध बैद भव भीम रोग के ॥
जननि जनक सिय राम प्रेम के । बीज सकल ब्रत धरम नेम के ॥
बालकाण्ड - दोहा ३२
jāgabalika jo kathā suhāī | bharadvāja munibarahi sunāī ||
kahikau̐ soi saṁbāda bakhānī | sunahu̐ sakala sajjana sukhu mānī ||
Balkand - Doha 30
—————
जागबलिक जो कथा सुहाई । भरद्वाज मुनिबरहि सुनाई ॥
कहिहउं सोइ संबाद बखानी । सुनहुँ सकल सज्जन सुखु मानी ॥
बालकाण्ड - दोहा ३०